Bugun.tv xəbər verir ki, Honda və Toyota şirkətləri milyonlarla avtomobilini geri çağırmalı olub.
Belə ki, 14,5 milyon maşının yanacaq nasoslarında nasazlıq aşkarlanıb. Bu da ciddi narazılıqlarıa qarşılanıb. Qeyd edək ki, sözügedən ehtiyat hissəsinin istehsalçısı Denso Corp şirkətidir.
Artıq Honda 2003-2020-ci illər arasında istehsal etdiyi 8,3 milyon, Toyota isə 2005-2020-ci illər arasında istehsal olunan 6,2 milyon avtomobili geri çağırıb.
Araşdırmanın nəticələrinə görə, aşkarlanan nasazlıq nəqliyyat vasitəsinin dayanmasına səbəb olur.
Geri çağırılacaq avtomobillər arasında Honda Civic, Accord, CR-V, HR-V, Pilot və Odyssey modelləri və Toyota Corolla, Camry, RAV4, Highlander, Prius və Tacoma modelləri də var.
Qüsur aşkar edildikdən sonra şirkətlər müştərilərdən üzr istəyib. Bunun qarşılığı olaraq Honda və Toyota nasazlıq yaranan yanacaq nasoslarını pulsuz əvəzləyəcək.
Ümumilikdə, son illər avtomobil sənayesində geriçağırmalara çox tez-tez rast gəlinir.
Xatırladaq ki, 2021-ci ildə General Motors 10 milyon, Volkswagen isə 8,5 milyon avtomobili geri çağırıb.