Kim Çen Inın administrasiyası boşananları və hot-doq satan və ya bişirən şəxsləri bədnam əmək düşərgələrinə göndərəcək. Hot-doq “vətənə xəyanət” kimi qiymətləndiriləcək. Maraqlı qadağaları ilə hər zaman gündəmdə olan Şimali Koreyada yeni qərarlar alınıb.
Kim Jon Un administrasiyası Qərb mədəniyyətini sıxışdırmaq cəhdləri ilə ölkədə geniş şəkildə istehlak edilən yeməyi qadağan edib.
Şimali Koreyalılara “zahid krallığına sızan” Qərb mədəniyyətinə qarşı aparılan repressiyaların bir hissəsi olaraq hot-doq yemək qadağan edilib.
İngiltərənin The Sun qəzetinin xəbərinə görə; ABŞ-dan ilhamlanan Cənubi Koreya yeməyinin populyarlığının artdığı bir vaxtda ölkə lideri Kim Çen In kolbasa təqdim etməyi “vətənə xəyanət” elan edib.
Hot-doq satarkən və ya bişirərkən tutulan insanlar ölkənin bədnam əmək düşərgələrində vaxt keçirmək imkanı ilə üzləşirlər.
Pxenyan boşananların da həbs oluna biləcəyinə qərar verib.
Rejim vətəndaşlar arasında kapitalizm mədəniyyətini yatırtmaq səyləri çərçivəsində qərbyönlü qonşu Cənubi Koreyadan gətirilən budae-jjigae yeməyinin satışını qadağan edib.
“Ordu əsaslı güveç” mənasını verən ədviyyatlı Koreya-Amerika yeməyinin tərkibinə sosiskalar daxildir.
Bu yemək 1950-ci illərdə Koreya Müharibəsi zamanı ərazidə yerləşən ABŞ əsgərləri tərəfindən atılan ətdən yaranıb.
Aclıq çəkən yerli əhali bu ətdən güveç hazırlamaq üçün istifadə edirdi.
Bu füzyon yeməyinin cənubda icad edilməsindən onilliklər sonra, 2017-ci ildə Şimali Koreya sərhədini keçdiyi güman edilir.
Dekabr ayında Şimali Koreyada boşanmış vətəndaşların “cinayətlərinə” görə bir aydan altı aya qədər əmək düşərgələrində saxlandığına dair xəbərlər ortaya çıxdı.
Kommunist ölkəsində boşanma anti-sosialist bir hərəkət kimi qiymətləndirildiyi üçün bəyənilmir və hökumət istənilən hüquqi ayrılığa imza atmalıdır.
Cənubi Pyonqan əyalətində üç ay həbsxanada yatdığını deyən boşanmış qadın RFA-ya bildirib ki, qadınlar kişilərdən daha ağır cəza alırlar.
Qadın izah etdi:
Rayon əmək düşərgəsində təxminən 80 qadın və 40 kişi məhbus var. Təxminən 30 kişi və qadın boşanma qərarlarına görə həbs edilib, qadınların cəza müddəti daha uzun olub.
Mənbə: EnSonHaber