Bugun.tv xəbər verir ki, Ukrayna 1-ci Futbol Liqasında (Premyer Liqa) “Dnepr-1” – “Oleksandriya” matçı hava hücumu xəbərdarlığı sirenləri səbəbindən 4 saat 36 dəqiqəyə başa çatıb və bu, liqa tarixinin ən uzun matçı olub. Ukraynanın “Dnepr Arena” stadionunda keçirilən qarşılaşma sirenlər səsləndiyi üçün nəzərdə tutulduğundan 15 dəqiqə gec başlayıb. Meydan sahibi “Dnepr-1” 34-cü dəqiqədə Oleksandr Filippovun qolu ilə 1:0 önə keçib və ilk hissə bu hesabla başa çatıb.
TRT Haber-in məlumatına görə, İkinci hissənin əvvəlində sirenalar səsləndiyi üçün paltardəyişmə otağına gedən futbolçular üçün matçı başa vurmaq asan olmayıb. Eyni səbəbdən dəfələrlə fasilə verilən qarşılaşma 4 saat 36 dəqiqəyə başa çatıb və liqa tarixinin ən uzun matçı kimi qeydə alınıb.
Qarşılaşmada 1:0 hesabı ilə qalib gələn “Dnepr-1” 27 xalla ikinci pilləyə yüksəlib. Oleksandriya 10 xalla 14-cü yerdə qalıb.