İsrail ordusunun Qəzza zolağına hücumları zamanı daha bir jurnalist həyatını itirib.
Hökumətin Qəzzadakı media ofisindən verilən açıqlamada deyilir: “Həmkarımız, Səvt əl-Əqsa radiosunun proqram rəhbəri, jurnalist Məhəmməd Abdullah Mişmiş şəhid olub.
Açıqlamada Qəzza zolağına qarşı hücumların başladığı gündən həyatını itirən jurnalistlərin sayının 160-a yüksəldiyi, lakin Mişmişin hansı hücumda öldüyü ilə bağlı məlumat paylaşılmadığı bildirilib.
Media ofisindən əvvəlki açıqlamada İsrailin “Fələstinin səsini susdurmaq, faktları gizlətmək, xəbər və məlumatların regional və beynəlxalq ictimaiyyətə çatmasının qarşısını almaq üçün” Qəzzada jurnalistləri qəsdən öldürdüyü bildirilmişdi.
Mənbə: TrtHaber