Bu gün Kitabevim.az da yazıçı İlahə Səfərzadənin növbəti kitab təqdimatı keçirilib. Tədbirdə bir neçə gənc yazarlar, Nigar Səttarzadə, Bahəddin Həzi, Elbrus Kəlbiyev , şairlər Aypara Ayxan , Aysel Xanlarqızı Səfərli və oxucular iştirak edib.
“Gerçəyin izində” adlı kitabında qəflətən bacısının itməyindən sarsılan Səma onu axtararkən fərqində olmadan 25 il öncə yaşanmış sirli hadisənin izinə düşür.
Müxtəlif insan taleləri, fərqli insan xarakterlərinin bir-birinin həyatında necə rol oynadığı, insanlara uşaq ikən təlqin olunan doğru və yanlış fikirlər, qadının cəmiyyətdəki rolu, hüququ pozulmuş insanların öz içindəki “məhkəmə”ləri ilə tanış olacağınız bu psixoloji romanda Səmanın hansı böyük sirrin üstünü açdığına əsəri oxuyarkən cavab tapacaqsınız.
