Bugun.tv xəbər verir ki, İstanbulda həyata keçirilən ictimai asayişin mühafizəsi zamanı müxtəlif cinayətlərə görə axtarışda olan 510 şübhəli yaxalanıb. Baxışlar zamanı 18 ədəd sənədsiz tapança və tüfəng, 6 ədəd boş tapança, 55 ədəd patron, 395 qram narkotik vasitə və 12 ədəd narkotik həb götürülüb. 557 ictimai yerdə aparılan yoxlamalar zamanı 3 xarici ölkə vətəndaşı barəsində tədbir görülüb. Yoxlamalar zamanı 33 min 32 nəqliyyat vasitəsi və 1572 motosiklet də yoxlanılıb. Praktikada 1343 nəqliyyat vasitəsi və motosiklet, 37 sürücü barəsində tədbir görülüb, 2 nəqliyyat vasitəsinin hərəkəti qadağan edilib.
TRT Haberin məlumatına görə, sürücülərə 737 min 137 lirə yol cəzası kəsilib.
Müxbir: Şəms Elnurqızı