Prezident İlham Əliyev bildirib ki, Azərbaycanın Avrasiya İqtisadi İttifaqı ilə sıx əlaqələrə doğru hərəkətində heç bir qadağa predmeti yoxdur.
Bugun.tv TASS-a istinadən xəbər verir ki, ölkə başçısı bu barədə “Moskva.Kremlin.Putin” proqramına müsahibəsində bildirib.
“Daha sıx əlaqələrə gedən yolda heç bir tabu yoxdur. Yenə də hər şey qlobal iqtisadiyyatla bağlı konkret vəziyyətdən və Azərbaycanın iqtisadi vəziyyətindən asılı olacaq. Deməli, bunu zaman göstərəcək”,- İ. Əliyev söyləyib. Proqramın fraqmenti aparıcı Pavel Zarubinin Teleqram kanalında yerləşdirilib.
“Düşünürəm ki, Azərbaycanın ilk dəfə olaraq Aİİ sammitində iştirak etməsi faktı bizim bu struktura göstərdiyimiz marağı və onun üzv ölkələri ilə daha sıx əlaqələrə doğru irəliləyişimizi nümayiş etdirir”, – o əlavə edib.
İ.Əliyev qeyd edib ki, Azərbaycan iqtisadiyyatı açıq və balanslaşdırılıb. Ona görə də gələcək inteqrasiya istisna olunmur. O, həmçinin bildirib ki, Aİİ ölkələrinin istifadə etdiyi imtiyazlar kifayət qədər cəlbedicidir.
Qeyd edək ki, mayın 24-də Moskvada Ali Avrasiya İqtisadi Şurasının iclası keçirilib. Azərbaycan ilk dəfə iştirak etdi.
Mənbə: TASS