Cənubi Koreyada iş yükünə dözməyən robot intihar edib
Cənubi Koreyada meriyada işləyən robot özünü pilləkən qəfəsinə atıb. Düşdüyü yerdə hərəkətsiz vəziyyətdə tapılan və digər robotlardan daha çox çalışdığı bilinən robotun ölkə mətbuatında “həddindən artıq iş gücü onu intihara sürüklədiyi” xəbəri yayılıb.
Robotlar artıq gündəlik həyatımızda adi varlıqlardır…
Xüsusilə Uzaq Şərq ölkələrində bu vəziyyət daha da adi hala çevrilib.
Bu kontekstdə robotların insana bənzər xüsusiyyətlər qazandığı və ya insanların buna istinad etdiyi vəziyyətlərin şahidi oluruq.
Oxşar hadisə Cənubi Koreyada da baş verib.
Qumi şəhərinin bələdiyyəsində işləyən robot özünü pilləkən qəfəsindən aşağı atıb. O səhər saat 9-dan axşam 5-ə kimi işləyirdi.
Kaliforniyada yerləşən Bear Robotics şirkəti tərəfindən istehsal edilən robotun hissələri şəhər şurasının rəsmiləri tərəfindən tez bir zamanda toplanaraq təhlilə göndərildi, lakin robotun bu qeyri-sabit davranışının səbəbi hələ də aydın deyil.
Robotun hətta işçi kartı var idi və digər işçilər kimi səhər saat 9-dan axşam 4-ə kimi işləyəcəyi bildirilirdi.
Digər robotlardan daha çox məsuliyyət daşıyırdı.
Ancaq bir mərtəbə ilə məhdudlaşan əksər robotlardan fərqli olaraq, bu intihar robotu heç bir kənar yardım olmadan asanlıqla mərtəbələr arasında hərəkət edə və hətta lifti çağıra bilirdi.
Qumi şəhər rəsmisinin sözlərinə görə, robot gündəlik sənədlərin çatdırılmasında, şəhərin tanıtımında köməklik edib və rəsmi olaraq şəhər meriyasının bir hissəsi olub.
Yerli media iş yükünün robotun nasazlığı ilə əlaqəsi olub-olmadığını soruşan başlıqlar dərc edib.
Hadisə ölkədə ilk robot intiharı kimi qeyd olunub.
Keçən ilin avqustunda təyin edilən Robot Nəzarətçisi şəhərdə istifadə edilən ilk növlərdən biri idi.
Mənbə: EnSonHaber