İlon Mask Rusiya Təhlükəsizlik Şurasının sədr müavini Dmitri Medvedevin Twitter sosial şəbəkəsində daha əvvəl dərc etdiyi bəyanatı silməkdən imtina edib.
Bugun.tv xəbər verir ki, bu barədə TASS məlumat yayıb.
Abunəçilərindən biri Maskın diqqətini Medvedevin tvitinə yönəldib və “Medvedev niyə Ukraynanın heç kimə lazım olmadığını söyləyib? ” şərhini yazıb.
Amerikalı milyarder bütün xəbərlərin müəyyən dərəcədə təbliğat xarakteri daşıdığını və insanların özləri qərar verməli olduğunu bildirib. Əlavə edib ki, sözügedən platforma Rusiya dövlət strukturlarının hesablarını məhdudlaşdırmaq və ya təşviq etmək məqsədi daşımayıb.
Ötən ilin aprelində Twitter, “açıq internetə” girişi məhdudlaşdıran dövlət orqanlarına bağlı hesabları olan sosial şəbəkə istifadəçilərini bloklayacağını açıqlamışdı. Şirkətin rəhbəri o zaman dedi ki, tədbir ilk növbədə Rusiya hökumətinə təsir edəcək və 300-dən çox hesabı əhatə edəcək.