Böyük Britaniyanın bir hissəsi olan Şimali İrlandiyanın Ballymena qəsəbəsində immiqrasiya əleyhinə keçirilən etiraz aksiyasında iki evin yandırıldığı bildirilib. Belfast Telegraph-ın məlumatına görə, sosial mediada paylaşılan görüntülərdə bəzi anti-immiqrasiya etirazçılarının Ballymenadakı evlərin qapı və pəncərələrini sındırdıqları, içəri əşyalar atdıqları və pərdələri yandırdıqları əks olunub.
2 EV YANDI
Yanğınsöndürənlər evlərə girərək içəridə sıxılmış vəziyyətdə olub-olmadığını yoxlamaq üçün tənəffüs aparatları ilə çalışıblar. İlkin məlumata görə, iki ev yandırılıb və alov digər mülklərə də keçib, etirazçılar isə barrikadalarla yolu bağlayıblar. Küçədə baş verən kiçik yanğın yanğınsöndürənlər tərəfindən söndürülüb.
Etirazçıların polislə qarşı-qarşıya qaldığı hadisədə izdihamın arasından maskalı bir şəxsin polis maşınlarına əşya atdığı görülüb.
Şimali İrlandiya Polis Departamenti (PSNI) bəyanat yayaraq Ballymena küçələrində baş verən hadisələrdən sonra sakitliyə çağırıb.
Baş nəzarətçi Sue Steen deyib: “Biz hər kəsi sakit olmağa və məsuliyyətli davranmağa çağırırıq. Zorakılıq və nizamsızlıq insanları daha çox risk altında qoyacaq”.
Polisin prioriteti cəmiyyətin təhlükəsizliyini təmin etməkdir, Steen dedi: “Bu əraziyə tez bir zamanda sakitlik gətirmək üçün hər kəsin bizimlə işləməsini istərdim.”
Hadisə ölkənin şimal-şərqindəki Antrim qraflığındakı Coleraine Magistrates Məhkəməsində 14 yaşlı iki oğlanın gənc qıza cinsi təcavüzdə ittiham olunaraq mühakimə olunmasından bir neçə saat sonra baş verib.
Mənbə: Anadolu Agentliyi (AA)