İngiltərə mətbuatı The Sun nəşrinin yaydığı məlumata görə, Azərbaycanın tanınmış futbol klubu “Qarabağ” FK Ağıdam şəhərində yeni stadion tikintisi ilə bağlı planlarını açıqlayıb.
Xəbərdə bildirilir ki, layihə çərçivəsində 11 700 tamaşaçı tutumuna malik müasir arena inşa olunacaq. Yeni stadionun UEFA-nın 4-cü kateqoriya standartlarına uyğunlaşdırılması nəzərdə tutulur. Bu isə gələcəkdə Ağıdamda beynəlxalq səviyyəli oyunların keçirilməsi imkanını artıra bilər.
The Sun yazır ki, stadion təkcə futbol oyunları üçün deyil, eyni zamanda müxtəlif funksional zonalarla da təmin ediləcək. Layihəyə əsasən, kompleksdə idman obyektləri ilə yanaşı, biznes sahələri, ictimai zonalar, xidmət və infrastruktur bölmələri də yer alacaq.
Məlumata görə, bu təşəbbüs Azərbaycanın işğaldan azad edilmiş ərazilərdə genişmiqyaslı bərpa və inkişaf siyasətinin bir hissəsi kimi qiymətləndirilir. Stadion layihəsi Ağıdamın yenidən qurulması prosesində idman və sosial həyatın canlandırılmasına töhfə verəcək.
Qeyd olunur ki, Qarabağ FK uzun illərdir ölkəni beynəlxalq arenada təmsil edir və yeni stadion layihəsi klubun gələcək planlarında mühüm yer tutur.
Mənbə: TheSun