İnnovasiya və Rəqəmsal İnkişaf Agentliyində Data idarəolunması departamentinə yeni direktor təyin edilib.
Bugun.tv xəbər verir ki, bu barədə sözügedən qurumun rəsmi facebook səhifəsində məlumat dərc olunub.
Qeyd edək ki, həmin vəzifəyə 2023-cü ilin iyun ayından Kamran Ağayev rəhbərlik edir.
Kamran Ağayev İRİA ilə yanaşı, Azercelll şirkətində Data idarəolunması şöbəsinin və Azərbaycan Dövlət Neft və Sənaye Universitetida fəaliyyət göstərən “Big Data və Analitika Mərkəzi”nin rəhbəri vəzifələrini davam etdirəcək.
K. Ağayev 20 ildən çoxdur ki, verilənlər bazası administratoru ixtisası üzrə çalışır və “Oracle” sahəsində bir sıra professional, ekspert və master sertifikatlarına sahibdir. ABŞ-də “Oracle verilənlər bazasında məlumatların nüsxəsinin alınması və bərpa yolları” və “Oracle Certified Master” adlı 2 kitabı nəşr olunub.
O, fəaliyyəti ərzində dünyanın müxtəlif ölkələrində (ABŞ, Yaponiya, Çin, Tailand, Cənubi Koreya, Avstraliya, Hindistan, Argentina, Uruqvay, Panama, Kosta-Rika, Meksika, Qvatemala və bir sıra Avropa ölkələri) beynəlxalq konfransda çıxışlar edib, “Oracle” şirkəti tərəfindən dünyada sayı 120-dən az olan “Oracle ACE Director” mükafatına layiq görülüb.