“Azərbaycanda sevdiyim çox şey var… Ləzzətli mətbəxi, xüsusilə də, Pakistan kabablarımızın qohumu olan, ağız sulandıran kabablar mütləq diqqət mərkəzindədir. Musiqiniz də fantastikdir və mən həmişə tar və kamança kimi ənənəvi Azərbaycan alətlərinə qulaq asmaqdan həzz alıram. Və təbii ki, Xəzər dənizinin sərin mehi həmişə insanı təravətləndirir”.
Bu sözləri Azərbaycanda qonaq olan pakistanlı gənc fəal, Pakistan-Azərbaycan Məzunları təşkilatının prezidenti Qayser Nawab bildirib.
“Son səfərim zamanı Şuşanı ziyarət etmək imkanım yarandı və bu, inanılmaz təcrübə oldu. Təbiət, dağlar və daim dəyişən havanın şahidi olmaq üçün heyrətamiz idi. Şuşanın zəngin irsi, mədəniyyəti və tarixi keçmişi çox cəlbedicidir. Mən inanıram ki, bu, gələcəkdə ziyarət etmək üçün əsas yerlərdən biri olacaq.
“Nəhayət, Nizami küçəsində əlində çətir tutan xanımın heykəli həmişə şəkil çəkdirdiyim yerdir. Hətta sosial şəbəkədə “Bu sevimli xanımla şəkilsiz Bakı səyahəti düzgün omazdı! O çətiri bu qədər uzun müddətdir əlində saxlayır, məncə, yorulur”, – deyərək, paylaşdım. Azərbaycanda insanlar çox mehriban və qonaqpərvərdirlər və bu gözəl ölkəyə səfər etmək həmişə xoşdur”, – Qayser Nawab bildirib.