26 fevral 2026‑cı il tarixində Xocalı soyqırımının 34-cü ildönümü yad edilir.
34 il öncə, 26 fevral 1992‑ci ildə, Azərbaycanın Dağlıq Qarabağ bölgəsindəki Xocalı şəhərində insanlıq tarixinin qara ləkəsi hesab edilən faciə baş verib.
Erməni silahlı qüvvələrinin hücumunda qadın, uşaq və yaşlı fərqi qoyulmadan mülki əhali hədəf alınmış, rəsmi məlumatlara görə 613 nəfər həyatını itirmişdir. Bunlardan 106-sı qadın, 63-ü uşaq, 70-i isə yaşlı olub. 150 nəfər isə itkin düşüb, ailələri illərlə nə sağına, nə də ölüsünə çata bilib.
1992-ci ilin fevralında Xocalı şəhərində təxminən 7 min nəfər yaşayırdı və şəhər döyüş blokadası altında idi. Ermənistan qüvvələri şəhərə açılan son yolda da nəzarəti ələ keçirmişdi. Azərbaycan hələ yeni müstəqilliyini elan etmiş və nizami ordusu yox idi.
Hücum zamanı şəhərdə yaşayan sivillər və silahlanmış kişilər ilkin müdafiə üçün ov tüfəklərindən istifadə etməyə çalışmışdı.
Lakin 25‑dən 26‑fevral gecəsinə keçən zaman hücumlar daha ağır şəkildə davam etmiş, 366-cı Motorize Piyada Alayı ilə birgə tanklar, zirehli texnika və ağır silahlardan istifadə edilərək şəhər tezliklə işğal olunmuşdur.
O gecə insanlar qaranlıqda qaçmağa çalışmış, bəziləri tanklardan xilas olmaq üçün soyuq çaylara atlamış, bəziləri qarla örtülmüş dağ və meşələrə üz tutmuşdu. Soyuq və silahlı hücumlar səbəbindən bir çoxu yolda həyatını itirmişdir. Hücum zamanı çox sayda şəxs əsir düşmüş və ağır işkəncələrə məruz qalmışdır.
Xocalı yalnız bir şəhər deyil; yaddaşlarda acının və itirilmiş 613 canın simvolu kimi Azərbaycan xalqı üçün əbədi olaraq yaşamaqdadır.
2020-ci il İkinci Qarabağ Müharibəsindən sonra işğal altında olan ərazilərin böyük hissəsi azad edilsə də, Xocalı qurbanları bunu görə bilməmişdir.
Mənbə: Haber Global