Belçikada əməliyyat keçirilib
Ölkə üzrə pirat IPTV yayımlarına qarşı əməliyyat keçirilib. Şənbə gecəsi matçı IPTV vasitəsilə izləyənlərin 50 faizinin ekranı qaralıb, yüzlərlə qanunsuz sayt bağlanıb.
Rəqəmsal platformaların qeyri-qanuni izlənməsinə imkan verən və digər ölkələrə nümunə ola biləcək IPTV-yə qarşı Belçikada qərar qəbul edilib.
Bir çox ölkədə idman yarışlarını internet üzərindən canlı izləmək və ya təkrar oynamaq imkanı təqdim edən DAZN məhkəməyə müraciət edərək IPTV-lərin və qeyri-qanuni idman yayım saytlarının bağlanmasını istəyib.
Məhkəmə vəsatəti qəbul edərək, telekommunikasiya operatorlarına və alternativ xidmət provayderlərinə məktub göndərərək dinamik bloklamaya qərar verib.
DNS bloklama tədbirlərinin xərcləri internet provayderləri tərəfindən ödənilib.
DAZN əməliyyatı “Belçikada məzmun piratçılığına qarşı mübarizədə əsl qələbə” olaraq elan etdi.
Bildirilib ki, Belçikada “dinamik bloklama” adlanan bu təcrübə IPTV-də matçların izlənməsinə imkan verən “güzgü” və ya “imitasiya” saytları da aradan qaldırır.
Bu təcrübənin digər ölkələrdə də tətbiq olunacağı gözlənilir.
Mənbə: EnSonHaber