“ABŞ-ın ədliyyə sistemində çalışan 6 Rusiya vətəndaşına qarşı tətbiq etdiyi sanksiyalar ədalətsizlikdir. Biz bunu Amerikanın ölkəmizin daxili işlərinə müdaxiləsi kimi qiymətləndiririk. ABŞ administrasiyasının Vladimir Kara-Murzanın hüquqlarının pozulmasında əli olması bəhanəsi ilə bir sıra Rusiya rəsmilərinə qarşı tətbiq etdiyi sanksiyalar bizə qarşı qərəzin göstəricisidir”.
Bugun.tv xəbər verir ki, bunu Rusiyanın Vaşinqtondakı səfirliyinin mətbuat katibi İqor Qirinko deyib.
Xatırladırıq ki, Kara-Murza ağır cinayətlərdə – dövlətə xəyanətdə, Rusiya Federasiyası Silahlı Qüvvələrinin hərəkətləri haqqında bilərəkdən yalan məlumat yaymaqda, habelə Rusiyada arzuolunmaz təşkilatla əməkdaşlıqda ittiham olunur.
Qeyd edək ki, 2023-cü il fevralın əvvəlində Moskvanın Basmannı məhkəməsi dövlətə xəyanətdə və Rusiya Silahlı Qüvvələrinin əməliyyatları haqqında bilə-bilə yalan məlumat yaymaqda ittiham olunan Kara-Murzanın həbsini uzadıb.
Mənbə: TASS