İran məhkəməsi 2017-ci ildə İŞİD hücumlarına görə ABŞ-a 313 milyon dollar təzminat cəzası verib.
Bugun.tv xəbər verir ki, bu barədə Mizan Xəbər Agentliyi məlumat yayıb.
Məhkəmə ABŞ hökumətini və qurum rəsmilərini 9 milyon 950 min dollar maddi, 104 milyon dollar mənəvi və 199 milyon dollar cəza təzminatına məhkum edib.
Qeyd edək ki, sözügedən hücuma görə ABŞ hökuməti, o cümlədən keçmiş prezidentlər Corc Buş və Barak Obama ittiham olunur.
Xatırladaq ki, 2017-ci il iyunun 7-də İranda inqilab lideri Ayətullah Xomeyninin məqbərəsinə və parlamentə silahlı və bombalı hücumlar nəticəsində 12 nəfər ölüb, 43 nəfər yaralanıb. Terror təşkilatı hücuma görə məsuliyyəti öz üzərinə götürüb.
Mənbə:TRT haber