İran Avropaya təbii qaz ixrac edəcəyi təqdirdə bunu Türkiyə üzərindən həyata keçirəcəklərini bildirib.
Bugun.tv xəbər verir ki, bu barədə İranın Milli Təbii Qaz Şirkətinin (NIGC) baş direktoru Mecid Çegeni İşçi Xəbər Agentliyinə (ILNA) deyib.
“Avropaya təbii qaz ixrac etsək, Türkiyə üzərindən olacaq”,- o bildirib.
Pakistan, Əfqanıstan və Omanın da İran təbii qazını istədiyini ifadə edən Çegeni, danışıqların gündəmdə olduğunu, lakin bu ölkələrin bəziləri ilə müqavilə imzalamaq üçün lazım olan infrastrukturun hələ hazır olmadığını qeyd edib.
Mənbə: TRT haber