İran 2026-cı ildə keçiriləcək FIFA Dünya Kuboku 2026 çərçivəsində oyunlarını Meksikada keçirmək üçün FIFA ilə danışıqlar aparır.
Məlumata görə, İran Futbol Federasiyasının prezidenti Mehdi Taj bildirib ki, ABŞ-da təhlükəsizliklə bağlı narahatlıqlar səbəbindən milli komanda bu ölkədə oynamaq istəmir.
“ABŞ Prezidenti Donald Trump İran yığmasının təhlükəsizliyinin təmin olunmayacağını açıq şəkildə ifadə edib. Buna görə də ABŞ-a getməyəcəyik. Hazırda oyunlarımızın Meksikada keçirilməsi üçün FIFA ilə danışıqlar aparırıq”, – deyə o qeyd edib.
Bununla yanaşı, FIFA İran milli komandasını ABŞ, Meksika və Kanadanın birgə təşkil edəcəyi turnirdə iştirak etməyə çağırır.
Qeyd edək ki, 2026-cı il dünya çempionatı 11 iyun – 19 iyul tarixlərində ABŞ, Meksika və Kanadada keçiriləcək.
Mənbə: TrtHaber