Bugun.tv İran mediasına istinadla xəbər verir ki, müvafiq qərar Prezident Məsud Pezeşkianın sədrliyi ilə keçirilən Nazirlər Kabinetinin iclasında səs çoxluğu ilə qəbul edilib. Layihəyə əsasən, bir yeni rial 10.000 köhnə nominala bərabər olacaq. Keçid dövrü köhnə və yeni valyutaların eyni vaxtda dövriyyəyə buraxılmasını nəzərdə tutur. İran hökumətinin sözçüsü Fatemeh Muhaceraninin sözlərinə görə, valyutanın dəyişməsi uzunmüddətli prosesdir. Bundan əvvəl İran parlamentinin iqtisadi Komissiyası bu addımı valyuta və bank sistemi haqqında qanuna dəyişikliklər çərçivəsində təsdiqləyib. Qanun layihəsinin qüvvəyə minməsi üçün onun Konstitusiyanın Mühafizə Şurası tərəfindən təsdiqlənməsi tələb olunur. Hakimiyyət islahatın hesablaşma xərclərini minimuma endirmək, monetar əməliyyatlarda rəqəmlərin həcmini azaltmaq və beynəlxalq bazarlarda rialın mövqeyini gücləndirmək məqsədi daşıdığını vurğulayır.
İran hökuməti milli valyutanın denominasiyasını təsdiq etdi
