Bugun.tv xəbər verir ki, İran parlamentinin sədri Məhəmməd Baqir Qalibaf dünən gecə İsrailə edilən pilotsuz uçuş aparatının hücumunun İranın Suriyadakı konsulluğuna edilən hücuma cavab olduğunu bildirib.
Qalibaf İran parlamentində millət vəkilləri qarşısında çıxışında İnqilab Keşikçiləri Ordusunun İsrailə hücumunu dəyərləndirib.
“İsrailə qarşı hərbi addım bizim diplomatik nümayəndəliklərimizə hücuma cavab idi və Birləşmiş Millətlər Təşkilatının qaydalarına uyğun idi”, – o bildirib. Qalibaf deyib ki, əgər İsrail və ya onu dəstəkləyən ölkələr səhv edərsə, İran daha qətiyyətli cavab verəcək.