“Biz müharibəyə hazırıq” – İran prezidenti Məsud Pezeşkian 12 günlük müharibədən sonra ilk dəfə danışıb. İsrailə meydan oxuyan Pezeşkian müharibəyə hazır olduğunu bəyan etdi. O, onların nüvə inkişaf proqramlarının beynəlxalq hüquqa uyğun olaraq davam edəcəyini vurğulayıb.
Bu arada İsrail və Ukraynanın xarici işlər nazirləri “İran təhlükəsinə qarşı” Kiyevdə əl sıxıblar.
İran prezidenti Məsud Pezeşkian ölkəsinin İsrailin başlatdığı mümkün müharibəyə hazır olduğunu bəyan edib. Pezeşkian iki ölkə arasında atəşkəslə bağlı nikbin olmadığını dilə gətirib və Tehranın nüvə proqramını dinc məqsədlərlə həyata keçirməyə sadiq olduğunu vurğulayıb.
Pezeşkian Qətərdə yerləşən Əl-Cəzirə xəbər kanalına İsraillə 12 günlük müharibə bitdikdən sonra ilk dəfə danışıb.
“Biz İsrailin hər hansı mümkün hərbi hərəkətinə tam hazırıq. Silahlı qüvvələrimiz yenidən İsrailə dərin zərbələr endirmək gücünə malikdir”, – Pezeşkian Əl-Cəzirə telekanalına deyib.
İran lideri 12 günlük toqquşmalara son qoyan atəşkəsin davamlılığına şübhə ilə yanaşdığını bildirib və “Biz buna nikbin baxmırıq” deyib. Pezeşkian sözünə davam etdi: “Ona görə də biz potensial müharibəyə hazırıq. Hər bir mümkün ssenariyə hazırıq. İsrail bizə güclü zərbələr endirdi, biz də onların ürəyinə vurduq. Amma onlar dəymiş ziyanı və ya itkilərini gizlədirlər”.
O bildirib ki, İsrail İranın yüksək səviyyəli komandirləri və nüvə alimlərinin ölümünə səbəb olan hücumlarla ölkə rəhbərliyini “yox etməyi” hədəfləyib, lakin “bu cəhd tamamilə uğursuz olub”.
“TRAMPIN İDDİASI İLÜZİYADIR”
İran lideri beynəlxalq tənqidlərə baxmayaraq, uranın zənginləşdirilməsi proqramını davam etdirəcəklərini vurğulayıb. Pezeşkian bəyan edib ki, nüvə inkişafı prosesi beynəlxalq hüquq çərçivəsində davam edəcək.
“ABŞ prezidenti Donald Tramp deyir ki, İran nüvə silahına malik olmamalıdır və biz bunu qəbul edirik, çünki dini, humanitar və strateji prinsiplərə əsaslanan nüvə silahı inkişaf etdirməyi rədd edirik”, – Pezeşkian deyib.
“Biz diplomatiyaya inanırıq, ona görə də biz iddia edirik ki, bütün gələcək danışıqlar qalib-qazan məntiqi əsasında aparılmalıdır. Biz heç vaxt təhdid və məcburiyyətləri qəbul etməyəcəyik”.
Pezeşkian “Trampın nüvə proqramımızın bitdiyi iddiası illüziyadan başqa bir şey deyil” deyən Pezeşkian, “Nüvə potensialımız obyektlərdə deyil, alimlərimizin zehnindədir” deyib.
İsrailin hücumu nəticəsində prezidentin yüngül yaralandığı bildirilir. Pezeşkian iyunun 15-də Tehranda Ali Milli Təhlükəsizlik Şurasının iclasında bəyan edib ki, İsrail ona sui-qəsd təşkil edib.
Sui-qəsd cəhdi ilə bağlı suala Pezeşkian deyib ki, bu, İsrailin İranın siyasi rəhbərliyini hədəfə almaq və “ölkəni xaosa sürükləmək və onu tamamilə devirmək” planının bir hissəsidir. Pezeşkian “Lakin onların planı baş tutmadı” deyib.
O, ABŞ-ın İranın nüvə obyektlərinə hücumundan sonra Tehranın Qətərdəki Əl Udeyd bazasına hücumunun Qətərə və onun xalqına qarşı hücum olmadığını vurğulayıb.
Pezeşkian bildirib ki, hücumlar baş verən gün Qətər əmiri Şeyx Təmim bin Həməd Al Taniyə zəng edərək ölkəsinin mövqeyini çatdırıb. O, “Qətərlə bizim aramızda düşmənçilik və ya rəqabət haqqında heç bir düşüncəmiz və ya xəyalımız yoxdur. Mən bunu açıq və səmimi deyirəm: Qətər Dövlətinə hücum etmədik, ancaq ölkəmizi bombalayan Amerika bazasına hücum etdik. Qətərə və onun xalqına qarşı bütün niyyətlərimiz yaxşı və müsbətdir”.
İsrailin xarici işlər naziri Gideon Saar Ukraynanın paytaxtı Kiyevdə Ukraynanın xarici işlər naziri Andrii Sybiha ilə görüşüb.
Xatırladaq ki, Saar və Sybiha təhlükəsizlik təhdidlərinə qarşı strateji əməkdaşlığı dərinləşdirməyə və ortaq iqtisadi layihələri genişləndirməyə qərar verdiklərini açıqlayıblar.
Mətbuat konfransında danışan Saar, “İranın nüvə infrastrukturunu vurduq və onun ballistik raket proqramını böyük ölçüdə məhv etdik. Ukraynaya qarşı istifadə edilən Pilotsuz Uçan Aparatlar (PUA) üçün təchizat xətlərini də hədəf aldıq” deyib.
During his current visit to Ukraine, Minister of Foreign Affairs @gidonsaar announced the launch of a strategic dialogue between Israel and Ukraine on the Iranian threat:
"Iran not only threatened Israel. It threatened regional and global security. It threatened Ukraine. We… pic.twitter.com/MI4N0q91xJ
— Israel Foreign Ministry (@IsraelMFA) July 23, 2025
Mənbə: HurriYet