İran, İsrail Baş naziri Benjamin Netanyahunun mətbuat konfransı keçirdiyi vaxt İsrailin şimal bölgələrinə raket hücumu həyata keçirib.
İsrail ordusunun yaydığı məlumata görə, İran tərəfindən atılan raketlər hava hücumundan müdafiə sistemləri tərəfindən qarşılanmağa çalışılıb. Əhaliyə dərhal sığınacaqlara enmək və təhlükəsizlik təlimatlarına əməl etmək çağırışı edilib.
İsrail mətbuatı hücumun ölkənin şimalını hədəf aldığını və bölgə üzrə hava həyəcan siqnallarının verildiyini bildirib.
Hücumun məhz Netanyahunun canlı çıxışı zamanı baş verməsi diqqət çəkən məqam kimi qeyd olunur.
İsrailin təcili tibbi yardım xidməti olan “Qırmızı Davud Ulduzu” (Magen David Adom) tərəfindən bildirilib ki, raketlərin düşdüyü ehtimal edilən ərazilərə dərhal xilasedici və tibbi briqadalar göndərilib. Hadisə ilə bağlı əlavə məlumatların daha sonra açıqlanacağı qeyd olunub.
Mənbə: TrtHaber