İran Prezidenti Məsud Pezeşkian Türkiyə Prezidenti Rəcəb Tayyib Ərdoğan və türk xalqına ünvanladığı mesajla diqqət çəkib.
Məlumata görə, Pezeşkian sosial şəbəkədə paylaşdığı və türk dilində yazdığı müraciətdə Ərdoğanın İsrailin İrana qarşı hücumlarını pisləməsi ilə bağlı mövqeyini yüksək qiymətləndirib. O, Türkiyə liderinin bu məsələdə sərgilədiyi qətiyyətli mövqenin təqdirəlayiq olduğunu vurğulayıb.
İran prezidenti mesajında həmçinin türk xalqının uzun illərdir İslam dünyası ilə həmrəylik nümayiş etdirdiyini qeyd edib. Pezeşkian bildirib ki, bu həmrəylik və əməkdaşlıq gələcəkdə də davam etdiriləcək.
O əlavə edib ki, regionda baş verən hadisələr fonunda ölkələr arasında birlik və qarşılıqlı dəstək mühüm əhəmiyyət daşıyır.
Qeyd edək ki, mesajın türk dilində paylaşılması İran və Türkiyə arasında münasibətlərin önəmini bir daha göstərən diplomatik jest kimi qiymətləndirilir.
Mənbə: Anadolu Agentliyi