İran Prezidenti Məsud Pezeşkiyan ölkəsinin nüvə proqramı ilə bağlı açıqlama verərək, İranın ali dini lideri Ayətullah Əli Xameneinin nüvə silahı ilə bağlı mövqeyinə güvənilməli olduğunu bildirib.
İran dövlət televiziyasının yaydığı məlumata görə, Pezeşkiyan Mazandaran Əyalətinin Planlaşdırma və İnkişaf Şurasının iclasında çıxış edərkən deyib ki, İran nüvə silahı əldə etmək niyyətində deyil.
O, Xameneinin sözlərinə istinad edərək vurğulayıb: “Cəmiyyətin lideri siyasətçilər kimi yalan danışmaz. O, nüvə silahımız olmayacağını deyibsə, bu, həqiqətən də olmayacaq deməkdir”.
Pezeşkiyan ABŞ Prezidenti Donald Trampın “İran nüvə silahına malik olmayacağını elan etməlidir” bəyanatına cavab olaraq isə bildirib ki, Tehran bunu artıq dəfələrlə açıqlayıb.
ABŞ-ın vitse-prezidenti JD Vens də Vaşinqtonun mövqeyinin açıq olduğunu bildirərək, İranın nüvə silahına sahib ola bilməyəcəyini qeyd edib.
Tehran və Vaşinqton arasında nüvə proqramı ilə bağlı gərginlik davam edərkən, İran rəhbərliyi rəsmi şəkildə nüvə silahı hazırlamaq niyyətində olmadığını bir daha təkrar edib.
Mənbə: TrtHaber