İranda zorlama və narkotiklə bağlı cinayətlərdə təqsirli bilinən 7 nəfər edam edilib.
Bugun.tv xəbər verir ki, bu barədə Norveçdə yerləşən İran İnsan Haqları Təşkilatından bildirilib.
Məlumata görə, Kərəc şəhərindəki Recai Şəhr həbsxanasında zorlamada təqsirli bilinən 4 məhbus, narkotik cinayətlərinə görə isə 3 nəfər edam edilib.
İranda ilin əvvəlindən bu yana ən azı 209 nəfərin haqqında ölüm hökmü çıxarılıb.
Bu barədə Birləşmiş Millətlər Təşkilatının (BMT) İnsan Haqları üzrə Ali Komissarı Volker Türk dünən məlumat verib.
O, İran hakimiyyətini ölüm hökmünü ləğv etməyə və ya bütün edamları dayandırmağa çağırıb.
Mənbə: TRT haber