Gənc qız paltarını soyunaraq küçədə alt paltarında oturdu
İranın paytaxtında universitetin məktəb şəhərciyində paltarını soyunaraq əyləşən gənc qadının etirazı sosial mediada və dünyanın gündəminə çevrilib. İranın paytaxtı Tehrandakı İslami Azad Universitetinin kampusunda alt paltarında gənc qadının keçirdiyi etiraz aksiyası sosial mediada böyük əks-səda doğursa da, bu gün dünya mətbuatının əsas gündəm mövzularından birinə çevrilib.
Dünyada rezonans doğuran görüntülərdəki qadının niyə soyunduğu ilə bağlı günlərdir müxtəlif şərhlər paylaşılır.
O, ETİRAZ ETMƏK ÜÇÜN libaslarını soyundu
AFP xəbər agentliyinin verdiyi məlumata görə, şəxsiyyəti açıqlanmayan qadın çadrasını səhv taxdığı üçün İslam İnqilabı Keşikçiləri Korpusuna bağlı “Basic” adlı könüllü gənclərin qüvvələri tərəfindən təzyiqlərə məruz qalıb. Gənc qadın daha sonra yarıçılpaq soyunaraq sərt geyim qaydalarına etiraz etmək üçün universitet şəhərciyində gəzməyə başlayıb.
Sosial mediada paylaşılan videolarda Elm və Tədqiqat Departamentinin bloklarının pilləkənlərində alt paltarında oturan gənc qadının mühafizəçilərlə danışdığı görünür, lakin onun sözləri eşidilmir.
Sinif pəncərəsindən uzaqdan çəkilmiş başqa bir videoda qadın alt paltarında bloklar arasında gəzir. Qısa müddətdən sonra hadisə yerinə gələn Əxlaq Polisi qadını avtomobilə mindirərək hadisə yerindən uzaqlaşdırıb.
İranda tələbə hərəkatının “Əmir Kəbir” bülleteninin Telegram kanalında gənc qadının saxlanılarkən döyüldüyü iddia edilib.
BMT-DƏN REAKSİYA VƏ AMNESTİYA
Beynəlxalq media qadının cəsarətli etirazının universitet təhlükəsizlik zabitlərinin rəftarına “reaksiya” olduğunu vurğulasa da, Birləşmiş Millətlər Təşkilatının İnsan Haqları üzrə Xüsusi Məruzəçisi və Beynəlxalq Amnistiya təşkilatı gənc qadının saxlanmasına reaksiya verib. Amnesty İnternational-ın İran bölməsi onun tapılmasına çağırıb. “Həbsdə ona qarşı döyülmə və cinsi zorakılıq iddiaları müstəqil və qərəzsiz araşdırılmalıdır”, – deyə təşkilat əlavə edib.
Birləşmiş Millətlər Təşkilatının İnsan Haqları Şurasının İran üzrə xüsusi məruzəçisi Mai Sato X hesabında verdiyi açıqlamada, “Mən bu hadisəni və səlahiyyətlilərin buna reaksiyasını yaxından izləyəcəyəm” dedi.
İranın Fars xəbər agentliyi hadisəni təsdiqləyib və tələbənin çox bulanıq fotosunu dərc edib. Məlumatda bildirilirdi ki, tələbə sinifdə “uyğun olmayan paltar” geyinib və mühafizəçilərin xəbərdarlığından sonra “soyunub”.
Hesabatda zorakılıq iddiaları təkzib edilib və mühafizəçilərin tələbə ilə “sakit” danışdığı bildirilib. Azad Universitetinin ictimaiyyətlə əlaqələr üzrə meneceri Əmir Mahcub qadının həbsindən sonra o da polis bölməsinə getdiyini və “qadının fiziki vəziyyətinin kifayət qədər yaxşı olduğunu” bildirib.
X hesabında açıqlama verən Mahcub polis xəbərlərinə istinad edərək tələbənin ağır ruhi təzyiq altında olduğunu və psixi pozğunluq olduğunu iddia edib.
Bəzi İran KİV-ləri də tələbənin ağır psixi və psixoloji problemləri olduğunu və sağlamlıq mərkəzinə göndərildiyini iddia edib.
Sosial şəbəkələrdə gənc qadının zorakılığa məruz qaldığı və taleyinin bilinmədiyi iddiaları narahatlıq doğursa da, İrandan mövzu ilə bağlı rəsmi açıqlama verilməyib.
Mənbə: Hurriyet.Tr