Bugun.tv xəbər verir ki, İranda yerləşən və dünyanın 2-ci ən böyük duz gölü kimi tanınan Urmiya gölü demək olar ki, tamamilə quruyub. Külək də göldəki duzu daşımağa başlayıb. Duz nəqliyyatından təsirlənə biləcək yerlərdən biri də Türkiyədir.
Qlobal iqlim dəyişikliyi səbəbiylə yağıntıların azalması, buxarlanmanın artması və yanlış siyasətlər dünyanın ikinci ən böyük duz gölü olan Urmiya gölünün böyük ölçüdə qurumasına səbəb olub.
İran hökuməti gölün əvvəlki vəziyyətinə qaytarılması üçün lazımi səylər göstərsə də, qurumasının qarşısını almaq mümkün olmayıb. Təxminən 5200 kvadrat kilometrlik göl quruyub və yerində nəhəng duz yataqları yaranıb.