“PSJ” tezliklə ispan mütəxəssis Luis Enrikenin baş məşqçi təyin olunduğunu elan edəcək. Bugun.tv xəbər verir ki, bu barədə jurnalist Fabritsio Romano öz tvitter hesabında məlumat paylaşıb.
Onun sözlərinə görə, tərəflər arasında 2 illik müqavilə imzalanacaq. Enrikenin təyinatı ilə bağlı rəsmi açıqlama parislilər Kristof Qaltye ilə razılaşmanı başa vurduqdan sonra veriləcək.
Xatırladaq ki, Enrike 2023-cü ilin yanvarından İspaniya millisindən ayrıldıqdan sonra işsizdir. İspan mütəxəssis “Barselona”da çıxış etdiyi müddətdə 9 kubok qazanıb.
Qeyd edək ki, daha əvvəl “PSJ” rəhbərliyinin digər namizədlər – Yulian Naqelsman və Xabi Alonso ilə danışıqları barədə məlumat yayılmışdı.