İsrail ordusunun səhər saatlarında Qəzza zolağının cənubundakı Rəfah şəhərinə və mərkəzi hissədəki Nusayrat Qaçqınlar Düşərgəsinə təşkil etdiyi hücumlarda 7 fələstinli həyatını itirib.
Fələstinin rəsmi agentliyi WAFA-nın xəbərinə görə, İsrail döyüş təyyarələri Beynəlxalq Ədalət Məhkəməsinin (ICJ) qərarına baxmayaraq, Qəzza zolağının Rəfah şəhərində bir evi bombalayıb. Hücumda ən azı 4 fələstinli həyatını itirib, bəziləri isə yaralanıb. İsrail döyüş təyyarələri Qəzza zolağının mərkəzi hissəsindəki Nusayrat Qaçqınlar Düşərgəsindəki Əz-Zuhur küçəsində bir qrup fələstinlini hədəfə alıb.
Səhiyyə mənbələri hücumda 3 nəfərin öldüyünü, bəzilərinin isə yaralandığını bildirib. Dünən İsrail Qəzza zolağında Beynəlxalq Ədalət Məhkəməsinin hücumların dayandırılmasına qərar verdiyi Rəfah şəhərində məcburi köçkün fələstinlilərin çadırlarını bombalayıb və hücumda ən azı 40 fələstinlinin həyatını itirdiyi açıqlanıb.
Mənbə: Anadolu Agentliyi