Bugun.tv xəbər verir ki, İsrailin Misir sərhədindəki münaqişədən sonra sərhəd xəttinə yaxınlaşmasının qarşısını almaq da daxil olmaqla yeni tədbirlər görəcəyi açıqlanıb. İsrail ordusunun radiosundan verilən açıqlamada, 3 iyunda Misir sərhədində baş verən qarşıdurmadan sonra İsrail qüvvələrinin Misir əsgərlərinin qeyri-adi hərəkətlərinə qarşı ayıq olmaları istənilib.
Bəyanatda bildirilir ki, Misir əsgərlərinə artıq etibar edilə bilməz. Bundan başqa sərhəddə hər hansı qeyri-adi vəziyyətin hücum kimi qiymətləndiriləcəyi barədə xəbərdarlıq da edilib. Belə olan halda İsrail əsgərlərinin atəş açacağı və Misir əsgərlərinin sərhəddə yaxınlaşmasının qarşısı alınacağı bildirilib.
Xatırladaq ki, İsrail ordusu iyunun 3-də Misirlə sərhəddə baş verən qarşıdurmada 3 əsgərinin həlak olduğunu açıqlayıb.Açıqlamada əsgərlərə atəş açan hücumçunun Misirli polis zabiti olduğu və İsrail əsgərinin cavabı nəticəsində öldürüldüyü qeyd edilib.
Misir ordusundan verilən açıqlamada isə narkotik qaçaqmalçılarını qovarkən sərhəd barrikadasını keçdiyi, ardınca baş verən qarşıdurmada 3 İsrail əsgəri və mühafizəçinin öldüyü, 2 İsrail əsgərinin isə yaralandığı bildirilib.
Hadisədən sonra İsraildən üç yüksək rütbəli ordu rəsmisi Misirin paytaxtı Qahirəyə səfər edib və davam edən birgə araşdırma ilə bağlı rəsmilərlə görüşüb.
Mənbə: TRT Haber