İsrail ordusunun Qəzza zolağının mərkəzi hissəsindəki Nusayrat Qaçqınlar Düşərgəsində yaşayış məntəqəsini hədəf alması nəticəsində ən azı 20 fələstinli həyatını itirib, onlarla fələstinli yaralanıb.
Fələstinin rəsmi xəbər agentliyi WAFA-nın məlumatına görə, İsrail ordusu Nusayrat Qaçqınlar Düşərgəsindəki yaşayış məntəqəsinə güclü hava hücumu həyata keçirib.
Hücum nəticəsində əksəriyyəti uşaq və qadın olmaqla azı 20 nəfər ölüb, onlarla insan yaralanıb.
Səhiyyə mənbələri hücumdan sonra ilk saatlarda təcili yardım və mülki müdafiə qruplarının 20 nəfərin cəsədlərinə çatdığını, dağıntılar altında qalanların çıxarılması üçün işlərin davam etdiyini bildirib.
Qəzzadakı Fələstin Səhiyyə Nazirliyi dünən verdiyi açıqlamada, İsrailin 7 oktyabrdan bu yana Qəzza zolağına təşkil etdiyi hücumlarda ən az 15 min 103-ü uşaq və 9 min 849-u qadın olmaqla 35 min 386 fələstinlinin həyatını itirdiyini, 1366 fələstinlinin yaralandığını açıqlamışdı.
Mənbə: TrtHaber