İsrail ordusu gecə saatlarından sakitliyin hökm sürdüyü mühasirədə olan Qəzza zolağında bəzi ərazilərə zərbələr endirib.
Bugun.tv xəbər verir ki, bu barədə yerli media məlumat yayıb.
Aşıqlamada partlayış səslərinin Qəzza zolağının cənubundakı Xan Yunus bölgəsinin şərqindən gəldiyi bildirilib. Hücuma hazırlıq zamanı raket atış sahəsinin hədəf alındığı irəli sürülüb.
Qeyd edək ki, ötən gün İsrailin Qəzza zolağına endirdiyi aviazərbə nəticəsində 15 fələstinli ölüb, 22 nəfər yaralanıb. Hücumlarda həyatını itirənlər arasında İslami Cihad Hərəkatının hərbçilərindən 3 nəfərin olduğu açıqlanıb.
Bildirilib ki, gecə saatlarından etibarən bölgədə sakitlik hökm sürür.
Mənbə: TRT haber