İsrail ordusunun Qəzza zolağının müxtəlif hissələrini hədəf alan son hücumları nəticəsində ən azı 51 nəfər ölüb, çoxlu sayda insan yaralanıb.
Beynəlxalq ictimaiyyətin reaksiyalarına rəğmən Qəzza zolağında qətliamlarını davam etdirən İsrail ordusu gecə yarısından etibarən yenidən bölgəni qana qərq edib.
AZI 51 İNSAN HƏYATINI İTİRİB
Yerli hakimiyyət orqanlarından əldə edilən məlumata görə, Cibaliye Qaçqınlar Düşərgəsi və ətrafında mülki şəxslərə məxsus ev və çadırlara qarşı ən azı 4 hücum təşkil edilib.
Bu hücumlarda ən azı 47 nəfərin öldüyü bildirilir. Xan Yunis şəhərində çadıra pilotsuz təyyarənin hücumu nəticəsində eyni ailədən 4 nəfərin həyatını itirdiyi də bildirilib.
Hücumlarda çoxlu mülki vətəndaşın yaralandığı və ölənlərin sayının arta biləcəyi bildirilib.
ÖLƏNLƏRİN SAYI 52 908 NƏFƏ ÇATDI
Martın 18-də İsrail Qəzza zolağında atəşkəsi birtərəfli qaydada pozduqdan sonra İsrail ordusu bölgədə qırğınlarını yenidən gücləndirib.
Fələstin Səhiyyə Nazirliyindən verilən son açıqlamada İsrailin 7 oktyabr 2023-cü ildən bu yana həyata keçirdiyi hücumlarda həyatını itirənlərin sayının 52 min 908, yaralananların sayının isə 119 min 721 nəfərə çatdığı bildirilib.
Mənbə: EnSonHaber