İsrail Aralıq dənizi istiqamətindən Hələb Beynəlxalq Hava Limanını hədəfə alaraq havadan təcavüz aktı həyata keçirib. Maddi ziyana səbəb olan hücum nəticəsində hava limanının xidməti dayanıb.
Bugun.tv xəbər verir ki, bu barədə SANA xəbər agentliyi məlumat yayıb.
Suriyanın Nəqliyyat Nazirliyi bildirib ki, İsrailin təcavüzündən sonra zəlzələlərdən zərər çəkmiş bölgələrdəki insanlara humanitar yardım aparan uçuşlar da daxil olmaqla, bütün reyslərin Dəməşq və Lattakiya hava limanlarına yönləndirilib. Nazirlik onu da qeyd edib ki, hazırda Hələb hava limanına dəyən zərərin qiymətləndirilməsi aparılır.
Xatırladaq ki, fevralın 19-na keçən gecə İsrailin dörd F-16 qırıcısı Qolan təpələrindən Dəməşq raketinə zərbələr endirib. Nəticədə 7-si suriyalı hərbçi olmaqla, 15 nəfər ölüb.