İstanbulun Kağıthane rayonundakı bir binada baş verən yanğından sonra partlayış baş verib. Hadisə yerinə çoxsaylı yanğınsöndürənlər göndərilib. İstanbul Valiliyi partlayış nəticəsində bir nəfərin yaralandığını bildirib.
Kağıthane’nin Yəhya Kamal məhəlləsindəki bir binada hələlik bilinməyən bir səbəbdən yanğın baş verib. Yanğından sonra təbii qazdan qaynaqlandığı düşünülən partlayış baş verib.
Hadisə yerinə çoxsaylı yanğınsöndürmə briqadaları göndərilib.
Ərazidə çaxnaşmaya səbəb olan hadisədən sonra hadisə yerinə yanğınsöndürənlər, təcili yardım işçiləri və polis göndərilib. Yanğın nəzarət altına alınıb və briqadalar işlərini davam etdirirlər.
İstanbul Valiliyi Kağıthane’nin Yəhya Kamal məhəlləsindəki altı mərtəbəli binanın ikinci mərtəbəsində baş verən partlayışla bağlı açıqlama yayıb.
“12 noyabr 2025-ci il, Çərşənbə günü, təxminən saat 22:00-da Kağıthane’nin Yəhya Kamal məhəlləsindəki Gülər küçəsindəki altı mərtəbəli binanın ikinci mərtəbəsində partlayış baş verib”, – deyə məlumatda bildirilir.
“Təbii qazdan qaynaqlandığı güman edilən partlayışdan sonra hadisə yerinə çoxsaylı yanğınsöndürən və təcili yardım işçiləri göndərilib. Partlayışın səbəb olduğu yanğın yanğınsöndürənlər tərəfindən söndürülüb və hadisədə yaralanan bir nəfər təcili yardım işçiləri tərəfindən müalicə üçün xəstəxanaya aparılıb. Hadisədə yaralanan şəxsin həyatı üçün təhlükə yoxdur və partlayışın səbəbi araşdırmadan sonra müəyyən ediləcək.”
Mənbə: Tgrthaber