Bugun.tv xəbər verir ki, İzmirdə İsveç Fəxri Konsulluğu binası qarşısında silahlı hücuma məruz qalan qadın xəstəxanaya aparılıb, şübhəli şəxs nəzarətə götürülüb.
İzmir Valiliyindən verilən məlumata görə, Əminə T. Cümhuriyyət bulvarında yerləşən binanın qarşısında əqli qüsurlu Z.O.-nun silahlı hücumu nəticəsində yaralanıb.
Bədəninin müxtəlif yerlərindən xəsarət alan və həyati təhlükəsi olan qadın Tepecik Təhsil və Araşdırma Xəstəxanasına aparılıb. Qeyd edək ki, o, İsveçin Alsancakdakı fəxri konsulluğunda katib vəzifəsində çalışıb.
Şübhəli cinayət silahı ilə saxlanılıb. Polis araşdırmalara başlayıb.