Bugun.tv xəbər verir ki, İsveçrə təhlükəsizlik baxımından Xartumdakı səfirliyini bağlamaq qərarına gəlib.
Bu barədə İsveçrə Xarici İşlər Nazirliyinin Twitter hesabında məlumat paylaşılıb.
“Təhlükəsizlik məqsədilə Xartumdakı səfirliyimizi bağlayırıq. Sudandakı diplomatlarımız və onların ailə üzvləri təxliyə olunub. Bu, tərəfdaşlarımızla, xüsusən də Fransa ilə əməkdaşlığımız sayəsində həyata keçdi. Dəstəyinizə görə təşəkkür edirik”, – məlumatda deyilir.
İsveçrə Xarici İşlər Nazirliyi aprelin 21-də verdiyi açıqlamada Sudanda gərginliyin artması və ölənlərin sayı ilə bağlı dərin narahatlığını ifadə edib. Tərəflərdən qlobal atəşkəs çağırışlarına qulaq asmalarını istəyib.
Qeyd edək ki, aprelin 15-də Sudanda ordu ilə Çevik Dəstək Qüvvələri (HDK) arasında qarşıdurmalar başlayıb. Toqquşmalar zamanı 100-dən çox dinc sakin həyatını itirib.
Mənbə: TRT haber