Bugun.tv xəbər verir ki, Matteo Salvini Fransa Prezidentinin bu təklifini şərh edərkən belə deyib: “Dəbilqəni, jiletini geyin, tüfəngini götür və Ukraynaya get”. İtaliyalı nazir Avropa ordularının, qitənin yenidən silahlanması və Avropanın raket almaq üçün birgə borclanması kimi təşəbbüsləri “Makronat” adlandırıb. O, həmçinin ABŞ Prezidenti Donald Trampın Ukrayna siyasətini dəstəklədiyini də vurğulayıb. Salvini və Makron arasındakı gərginlik Fransa-İtaliya münasibətlərinə təsirsiz ötüşməyib. Fransa tərəfi İtaliyanın Parisdəki səfiri Emanuela D’Alessandroya bu şərhlərin iki ölkə arasında ikitərəfli münasibətlər, etimad mühiti və tarixi əlaqələrlə ziddiyyət təşkil etdiyini bildirib. Qeyd edək ki, Salvini ilə Makronun fikirləri son illərdə tez-tez toqquşur. İtaliyalı nazir mart ayında Makronun ümumi Avropa müdafiəsi ilə bağlı fikrinə cavab olaraq demişdi: “Nüvə müharibəsindən danışan o çılğın Makronun komandanlıq etdiyi bir Avropa ordusu heç vaxt olmayacaq”.
İtaliya Baş nazirinin müavini Makronun Ukraynaya qoşun göndərmək təklifini tənqid edib
