Bugun.tv xəbər verir ki, İtaliyanın Kiyevdəki səfirliyi öz internet səhifəsində yerləşdirdiyi mesajda öz vətəndaşlarına Rusiyanın getdikcə daha güclü raket hücumlarını nəzərə alaraq Ukraynanı dərhal tərk etməyi tövsiyə edib.
“Hazırda Ukraynada olan vətəndaşlara komendant saatı qüvvədə olmadıqda, hələ də mövcud olan avtomobillərdən, o cümlədən qatarlardan istifadə edərək, dərhal ölkəni tərk etmələri və həddindən artıq ehtiyatlı olmaları tövsiyə olunur. İstənilən halda Ukraynaya bütün səyahətlər qəti şəkildə qadağan edilir”, – mesajda deyilib.
Xatırladaq ki, keçən il də Rusiyanın hücumu başlayan kimi İtaliya Ukrayna səfirliyindəki həddindən artıq personalı geri çağıraraq italyanları Donetsk və Luqansk vilayətlərindən və Krımdan uzaq durmağa çağırıb.
Son məlumatlara görə, Ukrayna Kiyev səmasında 35 kamikadze pilotsuz təyyarəni vurduğunu bildirib.
Həmçinin Rusiya Hərbi Hava Qüvvələrinin bombardmançı təyyarələrinin Odessa vilayəti istiqamətində səkkiz raket atdığı bildiriblər. Partlayışlar Zaporojye, Çerniqov və Dnepropetrovsk ərazilərində qeydə alınıb.
Mənbə: TRThaber