Bugun.tv xəbər verir ki, Nepalda içində 6 nəfərin olduğu helikopterin Everest dağından qayıdarkən qəzaya uğradığı müəyyən edilib. 5 nəfərin öldüyü bildirilir.
Hadisə Everest dağından paytaxt Katmanduya qayıdarkən baş verib. Radarlardan itən helikopterin qalıqları Lamajura bölgəsində tapılıb.
Bildirilib ki, pilot və 5 əcnəbi turisti daşıyan helikopterin qalıqları arasından onlarınn cəsədi tapılıb. Bir nəfər isə hələ də itkindir. Pilotun Nepal, turistlərin isə Meksika vətəndaşları olduğu qeyd edilib.
Məlumdur ki, mussonlar zamanı bölgədə uçuşların gecikməsi və marşrutun dəyişdirilməsi adi haldır.
Everest zirvəsində görmə məsafəsinin azalması, musson yağışları və əlverişsiz hava şəraiti səbəbindən bölgədə alpinizm mövsümü may ayında başa çatıb. Yay aylarında dağlara uçuşlar nadir hallarda baş verir.
Mənbə: TRT Haber