Aviasiya tarixində illərdir sirr olaraq qalır!
Malayziya Hava Yollarının MH370 reysi 10 il əvvəl yoxa çıxdıqdan sonra Kardiffdəki tədqiqatçılar hidrofonlarla qeydə alınan altı saniyəlik siqnal aşkar ediblər.
Malayziya Hava Yollarına məxsus MH370 reysi 10 il əvvəl göyərtəsində 239 nəfərlə birlikdə yoxa çıxmışdı. Saysız-hesabsız axtarışlara baxmayaraq, bütün bu illər ərzində nə sərnişinlərin zərrə qədər izi, nə də təyyarənin taleyi tapılıb.
Dünyanın ən böyük aviasiya sirrlərindən biri olan itmiş Malayziya təyyarəsinin sirri, nəhayət, britaniyalı müstəntiqlərin onları təyyarənin son istirahət yerinə aparacağına inandıqları bir siqnal tapdıqdan sonra açıla bilər.
Daily Mail saytına görə, sualtı səsləri yazmaq və ya dinləmək üçün su altında istifadə üçün nəzərdə tutulmuş mikrofonlar, hidrofonlar olaraq da bilinir, MH370 sərnişin reysinin 8 mart 2014-cü ildə qəzaya uğradığı güman edilən zamana yaxın bir siqnal aldı.
Altı saniyəlik siqnal Uelsin paytaxtı Kardiffdə tədqiqatçılar tərəfindən aşkar edilib. Bununla belə, ekspertlər mikrofonlar tərəfindən qeydə alınan bu səslərin təyyarənin qəzaya uğradığı yeri müəyyən etməyə kömək edib-etmədiyini anlamaq üçün daha çox sınaqlara ehtiyac olduğunu bildiriblər.
Göyərtəsində 239 nəfərin olduğu təyyarənin Kuala-Lumpurdan Pekinə gedərkən naməlum səbəbdən marşrutundan yayınaraq, yanacağı bitdiyi və müəmmalı şəkildə Hind okeanına düşdüyü güman edilir. Dünyanın hər yerindən səlahiyyətlilərin təqribən 75 min kvadratmetr ərazini əhatə edən geniş axtarışlarına baxmayaraq, son on il ərzində təyyarənin qəzaya uğradığı yer sirr olaraq qalır.
Bundan sonra təyyarənin bir neçə parçası tapıldı və təyyarənin istiqamətini dəyişməsinə nəyin (və kimin) səbəb olduğu ilə bağlı bir sıra nəzəriyyələr irəli sürülüb. Ancaq heç kimin Boeing 777 tipli təyyarə ilə nə baş verdiyini təxmin etməkdən başqa heç bir fikri yoxdur.
Mənbə: TGRT