Japan Airlines (JAL) daxili və xarici sistemlərini birləşdirən şəbəkəyə kiber hücuma məruz qalıb. Hücum səbəbilə bəzi uçuşların təxirə salındığı açıqlanıb.
Yaponiya mərkəzli Kyodo xəbər agentliyinin xəbərinə görə, JAL-ın verdiyi açıqlamada daxili və xarici sistemləri birləşdirən şəbəkəyə kiberhücum edildiyi bildirilib.
Açıqlamada, kiberhücum nəticəsində ən azı 24 daxili uçuşun təxminən 1 saat gecikdiyi və bəzi beynəlxalq uçuşların da mənfi təsirləndiyi qeyd edilib.
Bu çərçivədə problemlər başlayandan sonra bilet satışının dayandırıldığı, kiberhücumla mübarizə üçün işlərin aparıldığı bildirilib.
Açıqlamada, kiberhücumun uçuşlara daha çox təsir göstərə biləcəyi, lakin təhlükənin olduğu güman edilən sistemin müvəqqəti olaraq bağlana biləcəyi ifadə edildi.
Yaponiya Nazirlər Kabinetinin Baş Katibi Hayashi Yoshimasa etdiyi şərhdə, hücumdan təsirlənən müştərilərin şikayətlərini aradan qaldırmaq üçün JAL-dan sistemlərindəki problemi mümkün qədər tez aradan qaldırmağı tələb etdiklərini söylədi.
Digər tərəfdən, Yaponiyada digər aviaşirkətlərin sistemlərində heç bir problem olmadığı bildirilir.
Mənbə: TgrtHaber