Hollandiyada bir ailənin onu istehlak etdikdən sonra xəstələnməsinə səbəb olan jellybean paketində külli miqdarda marixuana tapılıb. Hadisə ilə bağlı araşdırma başladılıb və istehsalçı paketləri bölgədə toplamaq qərarına gəlib.
Hollandiyada maraqlı hadisə…
Şəhərdə dünyaca məşhur brendin jellybean (jele lobyasını) yeyən ailə qısa zamanda xəstələnib.
1 kiloluq ailə ölçüsündə jele lobya paketini bitirən ailə başgicəllənmə və halsızlıq şikayətləri ilə xəstəxanaya müraciət edib. Xəstəxanada aparılan analizlərdə ailə üzvlərinin qanında yüksək miqdarda narkotik maddə aşkar edilib.
Səlahiyyətlilər bu maddənin jele lobyalarına necə daxil olduğunu anlamaq üçün polis araşdırmasına başlayıb. Esrarın orijinal məhsullarda, yoxsa saxta bağlamalarda tapıldığı hələ də qeyri-müəyyən olaraq qalır.
Hollandiya Qida Təhlükəsizliyi Təşkilatı (NVWA) sınaqlar zamanı bəzi paketlərdə sirr aşkarlandığını təsdiqləyib və vətəndaşlara bu məhsulları istehlak etməmələri barədə xəbərdarlıq edib.
İstehsalçı hadisəni ciddi qəbul etdiyini və istehlakçı təhlükəsizliyinə üstünlük verdiyini açıqlayıb. Çirklənmənin mənbəyini araşdırmaq üçün polislə əməkdaşlıq edən şirkət, Hollandiyada 2026-cı ilin yanvarında son istifadə tarixi olan bütün jellybean paketlərini geri çağırmaq qərarına gəlib.
Digər bölgələrdəki məhsulların bu vəziyyətdən təsirlənmədiyi və təhlükəsiz olduğu bildirilib.
Mənbə: EnSonHaber