“Bura qədimiliyimizi, tariximizi özündə səciyyələndirən İçərişəhərimizdir. Ünvan: Həqiqət Rzayev 5.
Səhər saat 11.00-dan “Art Garden” restoranının damından su axır. Niyə, nə üçün, bəlli deyil.
Və bu görüntü heç kimi maraqlandırmır.
Saat 18:15-dir. Su hələ də axmağa davam edir. Aidiyyatı qurumlar, gəlin həm İçərişəhərdə onsuz da daşı daş üstündə güclə qalan bu divarları qoruyaq, həm də dünyada qıtlıq olan suya qənaət edək!
Restoranlar gəldi-gedərdir, əsas tarixi qoruqlarımızdır”.
Bugun.tv xəbər verir ki, bu sözləri jurnalist Könül Aypara öz facebook səhifəsindən paylaşaraq, əlaqədar qurumları məsələnin həllinə çağırıb.