Anadolu Agentliyinin verdiyi məlumata əsasən, “Əsrin fəlakəti” olaraq xarakterizə edilən zəlzələlərdən təsirlənən Adıyaman-Çəlixan avtomobil yolunda əmələ gələn dərin yarıqlar və sürüşmələr zəlzələnin böyüklüyünü üzə çıxarıb. Fevralın 6-da Pazarcık və Elbistan rayonlarında baş verən 7,7 və 7,6 bal gücündə zəlzələlər Çelikhan rayonunda da dağıntılara səbəb olub.
Yaylakonak qəsəbəsində baş verən zəlzələ nəticəsində bəzi dağlardan nəhəng qaya parçaları qırılıb maşın yollarına düşüb. Həmin qayalar qruplar tərəfindən çıxarılıb.