Bugun.tv xəbər verir ki, Braziliyanın keçmiş prezidenti Jair Bolsonaro vəzifə səlahiyyətlərini pozduğuna və mediadan sui-istifadə etdiyinə görə, 8 il müddətinə siyasətdən uzaqlaşdırılıb.
Braziliyada Ali Seçki Məhkəməsinin (TSE) hakimi Karmen Lucia Antunes keçmiş prezident Bolsonaronun təqsirli olduğunu bildirib və səs çoxluğu ilə 2030-cu ilə qədər bütün siyasi hüquqlarının əlindən alındığını açıqlayıb.
Növbəti prezident seçkilərində yenidən namizəd olmaq istədiyini açıqlayan ifrat sağçı Bolsonaronun TSE-yə müraciət etməyə hazırlaşdığı bildirilib.
Qeyd edək ki, Bolsonaronun vəkili Tarcisio Vieira iyunun 23-də verdiyi açıqlamada ittihamların əsassız olduğunu və müvəkkilinin ölkədəki seçki sistemi ilə bağlı fikirlərini ifadə etməkdən başqa heç nə etmədiyini bildirib.
Bolsonaro isə səfirlərlə görüşündə seçki sistemini aldatmadığını və üzvləri təhqir etmədiyini iddia edib. Yalnız seçki sisteminin necə işlədiyini səfirlərlə bölüşdüyünü deyib.
Mənbə: TRT Haber