Bugun.tv xəbər verir ki, İtaliyanın şimalındakı Aosta vadisində tərk edilmiş kilsədə qanlı cəsədi tapılan 22 yaşlı fransız qadının TikTok videosu çəkmək üçün ruhlarının olduğuna inandığı kilsəyə getdiyi düşünülür. Polis öldürülən qadınla birlikdə görünən gənci də axtarır. Ərazidə itkin düşən daha iki nəfər var ki, hadisə ilə bağlı ola bilər. Polis sözçüsünə görə, qurban və onun sevgilisi ərazidə “xortdan kimi” geyinmiş halda görünüblər. Polisin dindirdiyi hadisə şahidi gənc qadının solğun və arıq olduğunu, kişinin isə qara saçlı və tünd dəri olduğunu deyib. Şahid polis müstəntiqlərinə bildirib ki, qadın “gəzən meyitə” bənzəyir. Tibbi ekspertiza Roberto Testinin sözlərinə görə, adı açıqlanmayan ölən qadın düşərgə bıçağı ilə bıçaqlanıb və qanaxma nəticəsində ölüb. Həmçinin iki güllə boyun nahiyəsindən, biri isə qarın nahiyəsindən dəyib. Polis bildirib ki, yerli sakin onun çürümüş cəsədini aşkar edərkən qadının üzərində heç bir sənəd və ya mobil telefon olmayıb.
Müxbir: Şəms Elnurqızı