Bugun.tv xəbər verir ki, Mərkəzi Afrika ölkəsi Konqo Demokratik Respublikasında (KDC) Cənubi Kivu əyalətində Çinin mədən şirkətinə məxsus qızıl daşıyan konvoya silahlı hücum nəticəsində 2-si Çin vətəndaşı olan 4 nəfər ölüb.
Yerli rəsmilərin bildirdiyinə görə, Fizi rayonunda Kimbo çayı yaxınlığında baş verən hadisədə hücum edənlər konvoydan külli miqdarda qızıl oğurlayıblar.
Hücumda Konqo Demokratik Respublikasından olan bir əsgər və sürücü, həmçinin Çin mədən şirkətinin 2 əməkdaşı həlak olub, 3 nəfər isə ağır yaralanıb.
Yeraltı sərvətlərlə zəngin olan KDC-də bir çox Çin mədən şirkətləri fəaliyyət göstərir.