ABŞ Aeronavtika və Kosmik Agentliyin (NASA) Beynəlxalq Kosmik Stansiyasında (BKS) qapalı qalan iki astronavtı əvəz edəcək 4 nəfərlik komandanın buraxılışı texniki problem səbəbindən təxirə salınıb.
Kosmosda qapalı qalan NASA astronavtları Suni Williams və Butch Wilmore-un yerinə kosmosa gedəcək komandanın buraxılacağı SpaceX raketinin buraxılış meydançasında texniki problem yaranıb.
Problemdən sonra SpaceX, NASA-nın Kennedi Kosmik Mərkəzindən planlaşdırılan buraxılışın təxirə salındığını açıqlayıb.
NASA Astronavtları Kosmosda Tutulub
Williams və Wilmore 5 iyun 2024-cü ildə Boeing-in yeni Starliner kapsulu ilə bir həftəlik sınaq uçuşu üçün ISS-ə göndərildi.
Lakin Starliner-dəki texniki nasazlıq səbəbindən iki astronavtın geri qayıtma tarixi təxirə salındı və NASA kapsulun boş qayıtması barədə göstəriş verdi.
Təxminlərə görə, missiyanı öz üzərinə götürən SpaceX ehtiyat kapsulun buraxılış tarixini təxirə saldığından və onların kosmik stansiyada qalması təqribən 10 ay olacağından iki astronavt martın sonu və ya aprelin əvvəlinə kimi Yerə qayıda bilməyəcək.
Mənbə: EnSonHaber